Reported Journalist:Zamil Shafeek
පිලිපීනයේ මගී ප්‍රවාහන නෞකාවක් ගිලී යාමෙන් පුද්ගලයින් 15 දෙනෙකු මියගොස් තිබේ.
විදේශ මාධ්‍ය වාර්තා කළේ, මගීන් 350කට අධික පිරිසක් රැගත් MV Trisha Kerstin 3 නෞකාව හදිසියේ ගිලී යාමෙන් මෙම අනතුර සිදුව ඇති බවයි. අනතුරෙන් තවත් පුද්ගලයින් 28 දෙනෙකු අතුරුදන්ව ඇති බවද සඳහන් වේ.අනතුර සිදුවූ අවස්ථාවේ නෞකාවේ මගීන් 332 දෙනෙකු සහ කාර්ය මණ්ඩල සාමාජිකයින් 27 දෙනෙකු සිට ඇති බව වාර්තා වේ.
අතුරුදන් වූවන් සෙවීම සඳහා සෙවීම් හා බේරාගැනීමේ මෙහෙයුම් ආරම්භ කර ඇති අතර, මේ වන විට පුද්ගලයින් 316 දෙනෙකු බේරා ගැනීමට හැකිව තිබේ.
බේරාගැනීමේ කටයුතු සඳහා වෙරළාරක්ෂක ගුවන් යානයක්ද යොදවා ඇති බව බලධාරීන් සඳහන් කරයි.මෙම නෞකා අනතුරට හේතුව මෙතෙක් අනාවරණය වී නොමැති අතර, හේතු සොයා බැලීම සඳහා සමුද්‍ර අනතුරු පරීක්ෂණයක් ආරම්භ කරන ලෙස අදාළ බලධාරීන් උපදෙස් ලබාදී ඇත.
Discussion about this post