Reported Journalist:Zamil Shafeek
ඉන්දුනීසියාවේ පැවති ජිම්නාස්ටික් තරගාවලියේදී කොළඹ 7, ශාන්ත බ්‍රිජට් කන්‍යාරාමයේ ප්‍රාථමික අංශයේ ජිම්නාස්ටික් කණ්ඩායමට ලෝකඩ පදක්කමක්!කොළඹ 7, ශාන්ත බ්‍රිජට් කන්‍යාරාමයේ ප්‍රාථමික අංශයේ ජිම්නාස්ටික් කණ්ඩායම, ඉන්දුනීසියාවේ යෝග්‍යකර්තා නගරයේ පැවති ප්‍රථම Gym for Life Competition 2026 තරගාවලියේදී අභිමානවත් ලෙස ලෝකඩ පදක්කම දිනා ගැනීමට සමත් විය.
මෙම තරගාවලිය සඳහා රටවල් අටක් නියෝජනය කරමින් කණ්ඩායම් 23ක් සහභාගී වූ අතර, ශ්‍රී ලංකා මිශ්‍ර ජිම්නාස්ටික් කණ්ඩායම ද ඊට එක්විය. මෙම තරගාවලිය තුළින් කලාපය පුරා සිටින ජිම්නාස්ටික් ක්‍රීඩක ක්‍රීඩිකාවන්ගේ දක්ෂතා, කැපවීම සහ ක්‍රීඩාශීලීත්වය මනාව ප්‍රදර්ශනය විය.
මෙම විශිෂ්ට ජයග්‍රහණය ශාන්ත බ්‍රිජට් කන්‍යාරාමයට මහත් අභිමානයක් ගෙන දෙන සුවිශේෂී අවස්ථාවකි. මෙම ජයග්‍රහණය යථාර්ථයක් බවට පත් කිරීමට කැපවීමෙන් කටයුතු කළ විදුහල්පතිතුමිය, ගුරු මණ්ඩලය, ජිම්නාස්ටික් ක්‍රීඩිකාවන් සහ පුහුණුකරුගේ අඛණ්ඩ මහන්සිය හා කැපවීම මෙයින් මනාව පිළිබිඹු වේ.
Discussion about this post