Reported Journalist:Zamil Shafeek
සෞදි අරාබියේ පිහිටි අමෙරිකානු තානාපති කාර්යාලයේ කාර්ය මණ්ඩලයට සහ ඔවුන්ගේ පවුල්වල සාමාජිකයන්ට එරටින් පිටවීමට නියෝග කර ඇති බව විදෙස් මාධ්‍ය වාර්තා කරයි.රාජ්‍යතාන්ත්‍රික මූලාශ්‍රයක් උපුටා දක්වමින් මෙම තොරතුරු වාර්තා කර තිබේ.
මේ අතර, එක්සත් අරාබි එමීර් රාජ්‍යය, ජෝර්දානය, කටාර් සහ බහරේනය යන රටවල පිහිටි අමෙරිකානු තානාපති කාර්යාලවල සේවකයන්ගේ පවුල්වල සාමාජිකයන්ට ද එම රටවලින් පිටවීමට නියෝග කර ඇති බව සඳහන් වේ.
කෙසේ වෙතත්, මෙම නියෝග නිකුත් කිරීමට හේතුව මෙතෙක් නිල වශයෙන් අනාවරණය වී නොමැති අතර, ඒ සම්බන්ධයෙන් අමෙරිකානු බලධාරීන්ගේ වැඩිදුර පැහැදිලි කිරීමක් ද වාර්තා වී නොමැත.
Discussion about this post