Reported Journalist:Zamil Shafeek
දිවයින පුරා දින තුනක් පැයක විදුලි කප්පාදුවක් සිදුකිරීම සඳහා මහජන උපයෝගිතා කොමිෂන් සභාවේ අවසරය ඉල්ලා ඇති බව ජාතික පද්ධති ක්‍රියාකරු සමාගමේ ප්‍රධාන විධායක නිලධාරී බුද්ධික සමරසිංහ මහතා පවසයි.
ඒ අනුව, අද (19), හෙට (20) සහ අනිද්දා (21) යන දිනවලදී දිවයිනේ සියලු ප්‍රදේශ කලාප හතරකට බෙදා විදුලි කප්පාදුව සිදුකිරීමට සැලසුම් කර තිබේ.
අද පැවති විශේෂ මාධ්‍ය හමුවකදී අදහස් දක්වමින් ඔහු සඳහන් කළේ, අද පස්වරු 4.30 සිට රාත්‍රී 8.30 දක්වා කාලය තුළ පැයක විදුලි කප්පාදුවක් සිදුකිරීමට අපේක්ෂා කරන බවයි.
කෙසේ වෙතත්, විදුලි කප්පාදුව ක්‍රියාත්මක කිරීම සඳහා මහජන උපයෝගිතා කොමිෂන් සභාවේ අනුමැතිය අවශ්‍ය වේ.
Discussion about this post