Reported Journalist:Zamil Shafeek
ඉන්දීය අභ්‍යවකාශ පර්යේෂණ සංවිධානය (ISRO) විසින් ඉන්දියාවේ පළමු පෘථිවි ඡායාරූපකරණ චන්ද්‍රිකාව සාර්ථකව ගුවන්ගත කර තිබේ.
පෘථිවි පෘෂ්ඨයේ සිට කිලෝමීටර් 36,000ක් පමණ ඉහළින් පිහිටි කක්ෂයක ස්ථානගත කිරීමට නියමිත මෙම චන්ද්‍රිකාව මඟින් ගංවතුර, සුළි කුණාටු සහ ලැව්ගිනි වැනි වේගයෙන් සිදුවන ස්වාභාවික විපත් නිරීක්ෂණය කිරීමට හැකිවනු ඇතැයි ISRO පවසයි.
එමෙන්ම භූ විෂමතාවල වෙනස්කම් හඳුනාගැනීම, නායයෑම් සහ හිම කඳු කඩා වැටීම් වැනි ආපදා නිරීක්ෂණය කිරීම මෙන්ම පූර්ව අනතුරු ඇඟවීම් ලබාදීම සඳහාද මෙම චන්ද්‍රිකාව භාවිත කිරීමට අපේක්ෂා කෙරේ.
චන්ද්‍රිකාවේ නවීන සංවේදක මඟින් ශාක, ජලය සහ අනෙකුත් භූමි ප්‍රදේශ පැහැදිලිව වෙන්කර හඳුනාගැනීමටද හැකියාව පවතින බව වාර්තා වේ.
Discussion about this post