Reported Journalist:Zamil Shafeek
විදුලිබල සැපයුම වඩාත් ස්ථාවර කරමින් පාරිභෝගිකයන්ට සහන සැලසීමේ අරමුණින් ක්‍රියාත්මක බැටරි බලශක්ති ගබඩා ව්‍යාපෘතිය සඳහා තවත් පද්ධති 7ක් මෙරටට ගෙනවිත් තිබේ.එම පද්ධති පානදුර, බෙලිඅත්ත, හම්බන්තොට, අම්පාර, වව්නතිව්, වාලච්චෙනෙයි සහ මහියංගනය යන ප්‍රදේශවල විදුලි සම්ප්‍රේෂණ උපපොල ආසන්නයේ ස්ථාපනය කිරීමට නියමිතය.
මෙම පද්ධති මඟින් 280MWක බලශක්තිය ගබඩා කළ හැකි අතර, දෛනිකව 70MWක විදුලි බලයක් ජාතික විදුලිබල ජාලයට එක් කිරීමට සැලසුම් කර ඇත.මීට පෙර මෙරටට ගෙන ආ පද්ධති 8ක ස්ථාපන කටයුතු මේ වනවිට සිදු කෙරෙමින් පවතින අතර, ඒවා ජූලි මස අවසානය වනවිට අවසන් කිරීමෙන් පසු 80MWක විදුලි බලයක් ජාතික ජාලයට එක් කිරීමට නියමිතය.
Discussion about this post