reported by: Musharraf Hussain
1972 වසරෙන් ආරම්භ වූ පැන්ඩා සම්බන්ධතාවයෙන් වසර 54ක් ගතවී ඇති මේ මොහොතේ, ජපානය පැන්ඩා සතුන් නොමැති රටක් බවට පත්වීමට නියමිතව තිබෙනවා.
එරට පවතින අවසන් පැන්ඩා යුවළ වන ‘ෂියාඕ ෂියාඕ’ සහ ‘ලෙයි ලෙයි’ එළඹෙන අඟහරුවාදා (27) චීනය වෙත යළි භාරදීමට සැලසුම් කර තිබෙනවා.එම පැන්ඩා යුවළ දැකගැනීමට ජපාන ජනතාවට අද දිනය අවසන් අවස්ථාව ලෙස ලැබී ඇති අතර, ඒ සඳහා කුසපත් ඇදීමක්ද පවත්වා තිබුණා.චීනය “පැන්ඩා රාජ්‍ය තාන්ත්‍රිකභාවය” යටතේ පැන්ඩා සතුන් කුලී ක්‍රමයට විවිධ රටවල් වෙත ලබාදෙන අතර, අදාල ගිවිසුම් කාලය අවසන් වීමෙන් පසු එම සතුන් නැවත චීනය වෙත ලබාගැනීම සිදුකරනවා.
එහෙත්, තායිවානය සම්බන්ධයෙන් ජපාන අගමැතිනිය විසින් මෑතකදී කළ ප්‍රකාශයක් හේතුවෙන් දෙරට අතර සබඳතා තදබල ලෙස පළුදු වී ඇති පසුබිමක, චීනයෙන් නව පැන්ඩා සතුන් ජපානයට ලබාදීම පිළිබඳව මේ වනවිට අවිනිශ්චිතතාවයක් පවතින බව සඳහන් වෙයි.
Discussion about this post