Reported Journalist:Zamil Shafeek
නිරිතදිග ජපානයට බලපෑ ප්‍රබල භූ කම්පනයෙන් මියගිය පුද්ගලයින්ගේ සංඛ්‍යාව 13 දක්වා ඉහළ ගොස් තිබේ.
රික්ටර් මාපකයේ 7.1ක ප්‍රබලත්වයකින් හටගත් මෙම භූ කම්පනය ජපානයේ තෙවන විශාලතම දූපත වන ක්යුෂූ දූපත ආශ්‍රිතව සිදුව ඇති බව වාර්තා වේ.
භූ කම්පනය හේතුවෙන් නිවාස, සාප්පු සංකීර්ණ සහ තවත් ගොඩනැඟිලි රැසකට හානි සිදුව ඇති අතර, ඒවායේ සිරවී සිටින පුද්ගලයින් මුදා ගැනීම සඳහා සහන සහ ගලවා ගැනීමේ මෙහෙයුම් අඛණ්ඩව ක්‍රියාත්මකයි.
තවද, පුද්ගලයින් 10කට වැඩි පිරිසක් තවමත් අතුරුදන්ව සිටින බව විදෙස් මාධ්‍ය වාර්තා කරයි. බේරා ගැනීමේ කණ්ඩායම් අතුරුදන් වූවන් සොයා මෙහෙයුම් තවදුරටත් සිදුකරමින් සිටී.
Discussion about this post