Reported Journalist:Zamil Shafeek
රුසියානු ජාතික දිනය සැමරුම් උළෙල – 2026ජුනි 12 වන දිනට යෙදෙන රුසියානු ජාතික දිනය නිමිත්තෙන් සැමරුම් උළෙලක් මාගේ ප්‍රධානත්වයෙන් ඊයේ (10) පස්වරුවේ කොළඹදී පැවත්වුනා.
එහිදී අදහස් දක්වමින් රුසියානු සමූහාණ්ඩුව සමග ආර්ථික, දේශපාලනික, සමාජීය හා සංස්කෘතිකවශයෙන් පවතින දිගුකාලීන මිත්‍රත්වය ශ්‍රී ලංකාවේ විවිධ ක්ෂේත්‍රයන්ගේ ප්‍රගමනයට හේතුවූ බව පෙන්වා දුන්නා.
එමෙන්ම සියවස් ගනනාවක් පුරා දෙරට අතර පවතින මිත්‍රශීලී සහයෝගිතාව ඉතා අගය කරමින්, එළබෙන වසරේ රුසියානු සමූහාණ්ඩුව හා ශ්‍රී ලංකාව අතර නිළ රාජතාන්ත්‍රික සබඳතා සඳහා දශක 7ක් සම්පූර්ණ වන බවත් එය නව සංධිස්තානයකට එළඹීමක් බවත් සඳහන් කළා,තවද ගෝලීය වශයෙන් රාජතාන්ත්‍රික සබඳතා පවත්වාගෙන යාමේදී හා ශ්‍රී ලංකාව මුහුණ දුන් අර්බුදකාරී අවස්තාවන්වලදී රුසියානු සමූහාණ්ඩුව දැක්වූ සහයෝගය පිළිබඳව ශ්‍රී ලංකා රජය වෙනුවෙන් කෘතඥතාවය පළ කළා.
ශ්‍රී ලංකාවේ සහ මාලදිවයිනේ රුසියානු සමූහාණ්ඩුවේ තානාපති Mr. Levan S. Dzhagaryan ගේ ආරාධනයෙන් මෙම අවස්තාවට ප්‍රවාහන, මහාමර්ග හා නාගරික සංවර්ධන අමාත්‍ය බිමල් රත්නායක මහතා, ආරක්ෂක නියෝජ්‍ය අමාත්‍ය අරුණ ජයසේකර මහතා ඇතුළු දේශපාලන පක්ෂ නියෝජිතයන්, ජනාධිපති ලේකම් ඉන්දික සනත් කුමාණායක මහතා ඇතුළු රාජ්‍ය නිළ ධාරීන්, ත්‍රිවිධ හමුදාපතිවරුන්, විවිධ රාජ්‍යන් නියෝජනය කරමින් තානාපතිවරු, ව්‍යාපාරිකයන් හා සම්භාවණීය අමුත්තන් රැසක් සහභාගිව සිටියා.
Discussion about this post