Reported Journalist:Zamil Shafeek
2026 ලෝක කුසලාන අවසන් මහා තරගයෙන් අනතුරුව ස්පාඤ්ඤ සහ ආර්ජන්ටිනා ක්‍රීඩකයින් අතර ඇති වූ ගැටුම්කාරී සිද්ධිය සම්බන්ධයෙන් ක්‍රීඩකයින් තිදෙනෙකුට දඬුවම් පැනවීමට ජාත්‍යන්තර පාපන්දු සම්මේලනය (FIFA) පියවර ගෙන තිබේ.ඒ අනුව ආර්ජන්ටිනා මධ්‍යපෙළ ක්‍රීඩක ලෙයන්ඩ්‍රෝ පරේඩෙස්ට තරග 10ක තහනමක් සහ ඇමරිකානු ඩොලර් 90,000ක දඩයක් පනවා ඇත.
ස්පාඤ්ඤ ක්‍රීඩක එරික් ගාර්සියාගේ ගෙල අල්ලා ගැනීම සහ ගාවි තල්ලු කිරීම සම්බන්ධයෙන් මෙම දඬුවම පනවා ඇති බව සඳහන් වේ.මේ අතර ආර්ජන්ටිනා ක්‍රීඩක නහුවෙල් මොලීනාට තරග 7ක තහනමක් සහ ඩොලර් 90,000ක දඩයක්ද, තියාගෝ අල්මාඩාට එක් තරගයක තහනමක් සහ ඩොලර් 30,000ක දඩයක්ද පනවා තිබේ.
සිද්ධියට සම්බන්ධ ස්පාඤ්ඤ ක්‍රීඩක ගාවිටද එක් තරගයක තහනමක් සහ ඩොලර් 30,000ක දඩයක් නියම කර ඇත.එමෙන්ම ආර්ජන්ටිනා සහකාර පුහුණුකරු රොබර්ටෝ අයාලාට තරග 3ක තහනමක් සහ ඩොලර් 30,000ක දඩයක් පැනවීමට FIFA තීරණය කර තිබේ.
Discussion about this post