Reported Journalist:Zamil Shafeek
ශ්‍රී ලංකා පාපන්දු සම්මේලනයේ (FFSL) සභාපති ජස්වර් උමාර් මහතා භූතානයේ පැවති දකුණු ආසියානු පාපන්දු සම්මේලනයේ (SAFF) විධායක කමිටු රැස්වීමේදී ඒකමතිකව SAFF උප සභාපතිවරයා ලෙස තේරී පත්ව තිබේ.
ඉන්දියාව, පාකිස්තානය, නේපාලය, භූතානය, මාලදිවයින, බංග්ලාදේශය සහ ශ්‍රී ලංකාව ඇතුළු SAFF සාමාජික රටවල් හතම ඔහුට ඒකමතිකව සහය පළ කර ඇති අතර, එය දකුණු ආසියානු පාපන්දු ක්ෂේත්‍රයේ ඔහුට හිමි ජාත්‍යන්තර පිළිගැනීම පිළිබිඹු කරන අවස්ථාවක් ලෙස සැලකේ.
ජස්වර් උමාර් මහතාගේ නායකත්වය යටතේ ශ්‍රී ලංකාවේ FIFA ලෝක ශ්‍රේණිගත කිරීම 207 සිට 187 දක්වා ඉහළ ගොස් ඇති අතර, දේශීය පාපන්දු සංවර්ධනය, තරුණ ක්‍රීඩකයන්ගේ ප්‍රවර්ධනය සහ යහපාලන වැඩපිළිවෙළ ශක්තිමත් කිරීම සඳහාද පියවර රැසක් ගෙන තිබේ.
ඔහු මේ වන විට FIFA Grassroots Football Committee සහ AFC Development Committee හිද සාමාජිකයෙකු ලෙස කටයුතු කරයි.
Discussion about this post