SLS ප්‍රමිති සහතික ලාංඡනය නොමැති යතුරුපැදි ආරක්ෂිත හිස්වැසුම් නිෂ්පාදනය, ආනයනය, ගබඩා කිරීම, බෙදාහැරීම හෝ අලෙවි කරන පුද්ගලයින් සහ ආයතනවලට එරෙහිව දිවයින පුරා දැඩි නීතිමය ක්‍රියාමාර්ග ක්‍රියාත්මක කරන බව පාරිභෝගික කටයුතු පිළිබඳ අධිකාරිය නිවේදනය කරයි.
මෑතදී දිවයින පුරා සිදු කළ විශේෂ වැටලීම්වලදී SLS ලාංඡනය නොමැති හෙල්මට් 431කට අධික ප්‍රමාණයක් භාරයට ගෙන ඇති අතර, නීතිවිරෝධී ලෙස නිෂ්පාදනය කළ හෙල්මට් 3,520ක අලෙවිය කර්මාන්තශාලා දෙකකදී තාවකාලිකව නතර කිරීමටද පියවර ගෙන තිබේ.
එමෙන්ම, ප්‍රමිතියෙන් තොර හෙල්මට් භාවිතය අනතුරු අවස්ථාවලදී ජීවිතයට බරපතළ අවදානමක් ඇති කළ හැකි බැවින්, SLS සහතික ලාංඡනය සහිත හෙල්මට් පමණක් මිලදී ගන්නා ලෙස පාරිභෝගිකයන්ගෙන් අධිකාරිය ඉල්ලීමක් කර ඇත.
Discussion about this post