Reported Journalist:Zamil Shafeek
ඉරානය සමඟ කල්පවත්නා සාම ගිවිසුමක් ඇති කර ගැනීමට අමෙරිකාව ගෙන යන උත්සාහයන්ට ඊශ්‍රායල අග්‍රාමාත්‍ය Benjamin Netanyahu ගන්නා ඇතැම් ක්‍රියාමාර්ග බාධාවක් විය හැකි බවට අමෙරිකානු බුද්ධි අංශ Donald Trump පරිපාලනයට අනතුරු අඟවා ඇති බව වාර්තා වේ.
මෙම අනතුරු ඇඟවීම පැමිණ ඇත්තේ Lebanon හි උත්සන්න වන ගැටුම් තත්ත්වය සහ Hezbollah සංවිධානයට එරෙහි ඊශ්‍රායල හමුදා මෙහෙයුම් සම්බන්ධයෙන් අමෙරිකාව හා ඊශ්‍රායලය අතර මතභේද මතුව ඇති පසුබිමකදීය.
වාර්තා අනුව, ඊශ්‍රායලය ලෙබනනයේ සිය හමුදා මෙහෙයුම් තවදුරටත් පවත්වාගෙන යාමට සැලසුම් කර ඇති අතර, එය අමෙරිකාව සහ Iran අතර පවතින රාජ්‍ය තාන්ත්‍රික සාකච්ඡාවලට බලපෑම් කළ හැකි බව සඳහන් වේ.
පසුගියදා දකුණු ලෙබනනයේදී හිස්බුල්ලා ඩ්‍රෝන ප්‍රහාරයකින් ඊශ්‍රායල සොල්දාදුවන් සිව් දෙනෙකු මිය යාමෙන් අනතුරුව, ඊශ්‍රායලය ප්‍රදේශය පුරා ගුවන් ප්‍රහාර රැසක් දියත් කර තිබේ.
මේ අතර, ලෙබනනය සම්බන්ධයෙන් ට්‍රම්ප් සහ නෙතන්යාහු අතරද මතභේද පවතින බව වාර්තා වන අතර, කලාපයේ සාමය සහ ස්ථාවරත්වය පවත්වා ගැනීම සඳහා සංයමයෙන් කටයුතු කළ යුතු බව අමෙරිකානු පාර්ශ්වය අවධාරණය කර ඇත.
Discussion about this post