Reported Journalist:Zamil Shafeek
ශ්‍රීලන්කන් ගුවන් සේවයේ හිටපු ප්‍රධාන විධායක නිලධාරී කපිල චන්ද්‍රසේන මහතාගේ බිරිඳ වෙනුවෙන් ඇප තැබූ ප්‍රවීණ ක්‍රිකට් ක්‍රීඩක අරවින්ද ද සිල්වා මහතා සහ ඔහුගේ බිරිඳ ප්‍රියංගා අනුෂ්කා විජේනායක මහත්මිය අත්අඩංගුවට ගෙන අධිකරණයට ඉදිරිපත් කරන ලෙස කොටුව මහේස්ත්‍රාත් අධිකරණය ඊයේ (16) වරෙන්තු නිකුත් කළේය.
ඒ, ඇපකරු දෙදෙනා අධිකරණය හමුවේ පෙනී නොසිටීම හේතුවෙනි. නඩුව ලබන 30 වැනිදා යළි කැඳවීමට නියෝග කර තිබේ.මෙම නඩුව ශ්‍රීලන්කන් ගුවන් සමාගමට ගුවන් යානා මිලදී ගැනීමේදී සිදුව ඇති බව පැවසෙන අමෙරිකානු ඩොලර් මිලියන 2ක දූෂණ වංචාවක් සම්බන්ධයෙනි.
Discussion about this post