Reported Journalist:Zamil Shafeek
කුරුවිට බන්ධනාගාරයේ රැඳවියන් පිරිසක් අතර නොසන්සුන් තත්ත්වයක් හටගෙන ඇති බව බන්ධනාගාර ආරංචි මාර්ග සඳහන් කරයි.වාර්තා වන ආකාරයට, මෙම සිද්ධිය මුලින්ම ඊයේ රාත්‍රියේ ඇතිවූ අතර, බන්ධනාගාර නිලධාරීන්ගේ මැදිහත්වීමෙන් එය පාලනය කිරීමට හැකිව තිබේ.
එහෙත් අද උදෑසන යළිත් රැඳවියන් පිරිසක් අතර උණුසුම් තත්ත්වයක් හටගෙන ඇත.එහිදී බන්ධනාගාර රෝහලේ දේපළවලට ද හානි සිදුව ඇති බව වාර්තා වන අතර, තත්ත්වය පාලනය කිරීම සඳහා ආරක්ෂක අංශ කඳුළු ගෑස් ප්‍රහාරයක්ද එල්ල කර තිබේ.
මේ අතර, කොළඹ නව මැගසින් බන්ධනාගාරයේද ඊයේ රාත්‍රියේ රැඳවියන් පිරිසක් අතර නොසන්සුන්තාවක් ඇති වූ අතර, පොලිසිය, පොලිස් කැරලි මර්දන ඒකකය සහ පොලිස් විශේෂ කාර්ය බලකායේ මැදිහත්වීමෙන් අද උදෑසන වනවිට එම තත්ත්වය සම්පූර්ණයෙන්ම පාලනය කර තිබේ.
Discussion about this post