Reported Journalist:Zamil Shafeek
පාපන්දු කුසලාන තරගාවලියේ ‘C’ කාණ්ඩය යටතේ අද (20) පැවති මූලික වටයේ තවත් උණුසුම් තරගයකින් හයිටි රාජ්‍යය ගෝල 3-0ක් ලෙස පරාජයට පත් කරමින් කැපී පෙනෙන ජයක් වාර්තා කිරීමට බ්‍රසීල කණ්ඩායම සමත් වුණා.
තරගයේ ආරම්භයේ සිටම ප්‍රතිවාදීන්ට දැඩි පීඩනයක් එල්ල කළ බ්‍රසීල ක්‍රීඩකයින් පළමු අර්ධය තුළදීම සිය ආධිපත්‍යය තහවුරු කර ගැනීමට සමත් වීම විශේෂත්වයක්.බ්‍රසීලය වෙනුවෙන් විශිෂ්ට දක්ෂතාවක් දැක්වූ මැතියුස් කුන්හා (Matheus Cunha) තරගයේ ගෝල ද්විත්වයක්ම වාර්තා කරමින් කණ්ඩායම පෙරමුණට ගෙන ආවා.
ඉන් නොනැවතුණු බ්‍රසීල කණ්ඩායම පළමු අර්ධයේ ක්‍රියාත්මක වූ විනිසියස් ජූනියර් (Vinícius Júnior) තවත් ගෝලයක් ලබා ගනිමින් බ්‍රසීල ලකුණු පුවරුව 3-0ක් ලෙස ඉහළ දැමුවා.
දෙවන අර්ධයේදී හයිටි කණ්ඩායම තරගයට අවතීර්ණ වීමට දැඩි උත්සාහයක නිරත වුවද, බ්‍රසීල පසුපෙළ ආරක්ෂක වළල්ල බිඳ දැමීමට ඔවුන්ට හැකියාවක් ලැබුණේ නැහැ.ඒ අනුව තරගය නිමාවට පත් වූයේ බ්‍රසීලයට සුපිරි ජයක් හිමිකර දෙමින්.මෙම ජයග්‍රහණයත් සමග ‘C’ කාණ්ඩයේ පෙරමුණ තබා ගැනීමට බ්‍රසීලයට කදිම අවස්ථාවක් හිමිවන අතර, ඔවුන් මීළඟ වටයට සුදුසුකම් ලැබීමේ බලාපොරොත්තු තවදුරටත් ඉහළ නංවාගෙන තිබෙනවා.
Discussion about this post