Reported Journalist:Zamil Shafeek
හෝර්මුස් සමුද්‍ර සන්ධිය ආශ්‍රිතව ආරක්ෂක තත්ත්වය තවදුරටත් උණුසුම් වී ඇති අතර, ඉරානයට එරෙහිව නව ගුවන් ප්‍රහාර මාලාවක් ක්‍රියාත්මක කළ බව අමෙරිකාව ප්‍රකාශ කර තිබේ.
අමෙරිකානු නිලධාරීන් පවසන්නේ, හෝර්මුස් සමුද්‍ර සන්ධියේ නාවික ගමනාගමනයට තර්ජනයක් විය හැකි ඉරානයේ ඇතැම් හමුදා හැකියාවන් ඉලක්ක කරමින් මෙම මෙහෙයුම් සිදු කළ බවයි.
මෙම ප්‍රහාර මාලාව කලාපයේ දිගින් දිගටම පවතින ආරක්ෂක ආතතිය මධ්‍යයේ සිදුවන අතර, මෑතකදී අමෙරිකානු හමුදා සාමාජිකයන් මියයාමේ සිදුවීම්වලට ප්‍රතිචාරයක් ලෙස වොෂින්ටනය දැඩි ක්‍රියාමාර්ග ගන්නා බව ද දැනුම් දී ඇත.
ඉරානය ද ප්‍රතිචාර ලෙස කලාපයේ ඉලක්ක කිහිපයක් වෙත ප්‍රහාර එල්ල කළ බව පවසන අතර, කලාපීය රටවල් රැසක් සිය ගුවන් ආරක්ෂක පද්ධති සක්‍රීය කර ඇති බව විදෙස් වාර්තා සඳහන් කරයි.
මේ අතර, හෝර්මුස් සමුද්‍ර සන්ධිය හරහා ගමන් කළ තෙල් නෞකා සම්බන්ධයෙන් විවිධ වාර්තා පළ වුවද, ඒ පිළිබඳ නිල තොරතුරු තවදුරටත් තහවුරු වී නොමැත.
පවතින තත්ත්වය හේතුවෙන් මැදපෙරදිග කලාපයේ ආරක්ෂාව, නාවික ගමනාගමනය සහ ගෝලීය බලශක්ති වෙළෙඳපොළ පිළිබඳ ජාත්‍යන්තර අවධානය තවදුරටත් ඉහළ ගොස් තිබේ.
Discussion about this post