Reported by: MUSHARRAF HUSSAIN
ඉරානය සහ එක්සත් ජනපදය අතර පවතින ආතතිය අවම කරමින් සටන්කාරී තත්ත්වය අවසන් කිරීම සඳහා වන විශේෂ එකඟතාවක් අවසන් අදියරට පැමිණ ඇති බව ඉරාන විදේශ කටයුතු අමාත්‍ය අබ්බාස් අරග්චි ප්‍රකාශ කර තිබෙනවා.
ඔහු සඳහන් කර ඇත්තේ එම එකඟතාවයේ කොටසක් ලෙස හෝමුස් සමුද්‍ර සන්ධිය නැවතත් ජාත්‍යන්තර නාවික ගමනාගමනය සඳහා විවෘත කිරීමට අපේක්ෂා කරන බවයි.එමෙන්ම, එක්සත් ජනපදය විසින් ඉරානයට පනවා ඇති ආර්ථික සහ අනෙකුත් සම්බාධක ඉවත් කිරීම ද ගිවිසුමේ අන්තර්ගත වන බව සඳහන් වන අතර, ඉරානයේ න්‍යෂ්ටික වැඩසටහන සම්බන්ධ සාකච්ඡා පසුකාලීනව ආරම්භ කිරීමට නියමිත බව ද වාර්තා වනවා.
විදෙස් මාධ්‍ය වාර්තා කළේ, ගිවිසුමේ ඇතැම් කරුණු සම්බන්ධයෙන් ඇමරිකානු නිලධාරීන් ද තහවුරු කර ඇති බවයි. කෙසේ වෙතත්, ඉරානයට හිමිවන ආර්ථික වාසි සහ සහන රඳා පවතින්නේ ටෙහෙරානය විසින් තමන් වෙත පැවරී ඇති වගකීම් නිසි පරිදි ඉටු කිරීම මත බව ඔවුන් අවධාරණය කර තිබෙනවා.
_
Discussion about this post