Reported Journalist:Zamil Shafeek
බංග්ලාදේශ මැතිවරණයෙන් බහුතර බලයක් BNP පක්ෂයට හිමිවේබංග්ලාදේශ මහ මැතිවරණයෙන් පාර්ලිමේන්තු ආසන 300 න් 209 ක් දිනා ගැනීමට BNP (බංග්ලාදේශ ජාතිකවාදී) පක්ෂය සමත් වී ඇති බව එරට මාධ්‍ය තහවුරු කළේය.
ඒ අනුව, පක්ෂයේ නායක, හිටපු අගමැති, කලීසා සියාගේ පුත් තාරික් රහ්මාන්, බංග්ලාදේශයේ ඊළඟ අගමැති ලෙස දිවුරුම් දීමට නියමිතයි.2024 දී බංග්ලාදේශයේ පැවති දැවැන්ත විරෝධතා මාලාවකින් පසු ඊයේ (12) රටේ පැවති පළමු මහ මැතිවරණය අවසන් විය.
මෙම මැතිවරණයේ ප්‍රධාන අරමුණ වූයේ නව අගමැතිවරයෙකු තෝරා පත් කර ගැනීම මෙන්ම ව්‍යවස්ථා ප්‍රතිසංස්කරණ සඳහා ජනතාවගේ අනුමැතිය ලබා ගැනීමයි.ඒ අනුව, රටේ ඉතිහාසයේ එකවර මැතිවරණ දෙකක් පැවැත්වූ පළමු අවස්ථාව මෙය විය.කෙසේ වෙතත්, නෙරපා හරින ලද හිටපු අගමැතිනි ෂෙයික් හසීනාගේ අවාමි ලීගයට මෙම මැතිවරණයට තරඟ කිරීම තහනම් කරන ලදී.
Discussion about this post