Reported Journalist:Zamil Shafeek
ඇමරිකාව ලොව පුරා රටවල් 75 කට සංක්‍රමණික වීසා නිකුත් කිරීම අත්හිටුවීමට හේතුව.ලොව පුරා රටවල් 75 ක පුරවැසියන්ට එක්සත් ජනපද සංක්‍රමණික වීසා නිකුත් කිරීම අත්හිටුවීමට එක්සත් ජනපද රාජ්‍ය දෙපාර්තමේන්තුව තීරණය කර තිබේ.ලබන ජනවාරි 21 වන දින සිට නැවත දැනුම් දෙන තුරු අත්හිටුවීම ක්‍රියාත්මක වන බව දෙපාර්තමේන්තුව ඊයේ (15) නිවේදනය කර තිබුණි.
රාජ්‍ය දෙපාර්තමේන්තුව විසින් නිකුත් කරන ලද “X” පණිවිඩයේ සඳහන් වන්නේ එම රටවලින් පැමිණෙන සංක්‍රමණිකයින්ට ඇමරිකානු ජනතාවගේ වියදමින් සුභසාධනය ලැබෙන බවත් නව සංක්‍රමණිකයින් නොමැති බව සහතික කරන තෙක් එවැනි වීසා නිකුත් කිරීම අත්හිටුවන බවත්ය.
මෙම නව නීතිය ක්‍රියාත්මක කරන රටවල් අතර රුසියාව, ඇෆ්ගනිස්ථානය, ඉරානය, බ්‍රසීලය, ඉරාකය, තායිලන්තය, සෝමාලියාව, හයිටි, බංග්ලාදේශය, නේපාලය සහ පකිස්ථානය ඇතුළත් වේ.මේ අතර, පසුගිය සඳුදා රාජ්‍ය දෙපාර්තමේන්තුව නිකුත් කළ නිවේදනයක සඳහන් වූයේ පසුගිය වසර තුළ විදේශිකයන්ට නිකුත් කරන ලද වීසා මිලියනයකට වඩා එක්සත් ජනපදය අවලංගු කර ඇති බවයි.
Discussion about this post