Reported by: Musharraf Hussain
මැලේසියාවේදී අත්අඩංගුවට ගත් “රත්මලානේ සයිමා” ඇතුළු තිදෙනා විශේෂ ආරක්ෂාවක් යටතේ දිවයිනට…
සංවිධානාත්මක පාතාල කල්ලි නායක කාංජිපානි ඉම්රාන්ගේ ප්‍රධානතම සගයෙකු ලෙස සැලකෙන “රත්මලානේ සයිමා” ඇතුළු සැකකරුවන් තිදෙනෙකු විශේෂ ආරක්ෂක වැඩපිළිවෙළක් යටතේ මැලේසියාවේ සිට දිවයිනට රැගෙන විත් තිබෙනවා.
මෙම සැකකරුවන් අත්අඩංගුවට ගෙන ඇත්තේ මැලේසියානු පොලීසිය, ජාත්‍යන්තර පොලීසිය සහ ශ්‍රී ලංකා පොලිස් කණ්ඩායමක් එක්ව සිදුකළ විශේෂ මෙහෙයුමකදී බවයි පොලීසිය පවසන්නේ.
පරීක්ෂණවලදී අනාවරණය වී ඇත්තේ ධනුෂ්ක කෞෂල්‍ය හෙවත් “රත්මලානේ සයිමා” නමැති සැකකරු කාංජිපානි ඉම්රාන්ගේ මත්ද්‍රව්‍ය ජාලයේ මුදල් පාලනය, මූල්‍ය කටයුතු සහ සමාජ මාධ්‍ය මෙහෙයුම් සිදුකර ඇති ප්‍රධානතම ක්‍රියාකාරිකයෙකු බවයි.
ජාත්‍යන්තර මට්ටමින් සිදුකළ විශේෂ මෙහෙයුමකින් අනතුරුව අත්අඩංගුවට ගත් මෙම සැකකරුවන් තිදෙනා, විශේෂ ආරක්ෂක වැඩපිළිවෙළක් යටතේ දිවයිනට රැගෙන ඒමෙන් අනතුරුව වැඩිදුර විමර්ශන සඳහා අපරාධ පරීක්ෂණ දෙපාර්තමේන්තුවට භාර දීමට නියමිත බව පොලීසිය සඳහන් කරනවා.
ඒ අනුව, සැකකරුවන් සම්බන්ධයෙන් ඉදිරි විමර්ශන අපරාධ පරීක්ෂණ දෙපාර්තමේන්තුව මගින් සිදුකිරීමට නියමිතයි.
___
Discussion about this post