Journalist:Zamil Shafeek
ශ්‍රී ලංකා එක්සත් ජාතීන්ගේ සංගමය පසුගියදා ශ්‍රී ලංකා පදනම් ආයතන ශ්‍රවණාගාරයේදී ජාතික ධජය සහ එක්සත් ජාතීන්ගේ ධජය එසවීමෙන් 80 වන එක්සත් ජාතීන්ගේ දින ජාතික සැමරුම පවත්වන ලදී.
පාර්ලිමේන්තුවේ නියෝජ්‍ය කථානායක වෛද්‍ය රිස්වි සාලිහ් මහතාගේ ප්‍රධානතත්වයෙන් පැවැත්විය වූ අතර කථික තරඟයේ විශාකා විද්‍යාලයේ හොඳම කථිකයා සම්මානයෙන් පිදුම් ලැබූ මිනුරි බණ්ඩාර ප්‍රධාන කථිකයා ලෙස සහභාගී විය.1981 දී හඳුන්වා දුන් දිවයින පුරා Study Circle වැඩසටහන යටතේ ලියාපදිංචි පාසල් 334 ක් සතුව ඇති අතර එය අධ්‍යාපන අමාත්‍යාංශය විසින් අනුමත කර ඇත.
OKI ජාත්‍යන්තර පාසල සහ විශාකා විද්‍යාලයේ සිසුන් සහ ශ්‍රී ලංකා පොලිස් නර්තන කණ්ඩායම මෙම අවස්ථාවට රංගනයන් ඉදිරිපත් කළහ.ගාල්ල සවුත්ලන්ඩ්ස් විද්‍යාලයේ කේ.එච්.ඒ. පේෂලා මහත්මියට හොඳම Study Circle ගුරුවරිය ලෙස සම්මාන ප්‍රදානය කරන ලදී , හොඳම පාසල් Study Circle සම්මාන ගාල්ල සවුත්ලන්ඩ්ස් විද්‍යාලියට හිමිවිය, සාමාන්‍ය දැනුම තරඟයේ ප්‍රථම ස්ථානය ගල්කිස්ස උසස් බාලිකා පාසලේ මනුගි සදෙවන නවරත්නට හිමි විය , හොඳම කථිකයා ලෙස කොළඹ විශාකා විද්‍යාලයේ මිනුරි බණ්ඩාරට හිමි වූ අතර රචනා තරඟයේ ප්‍රථම ස්ථානය කුරුණෑගල මලියදේව බාලිකා විද්‍යාලයේ මනීෂා සිත්මිණි බණ්ඩාරට හිමි විය.
ප්‍රධාන ආරාධිත අමුත්තා ලෙස පාර්ලිමේන්තුවේ නියෝජ්‍ය කථානායක වෛද්‍ය රිස්වි සාලිහ් මහතා අතින් සම්මාන ප්‍රදානය කරන ලදී.එක්සත් ජාතීන්ගේ සංගමයේ උප සභාපති ආචාර්ය සරත් සමරගේ මහතා ස්තූති කතාව සිදු කළේය. විධායක සභාපති ධර්මදාස විතාරණගේ, උප සභාපති රවී නාගරාජා, තානාපතිවරුන් , විදුහල්පතිවරුන්, ගුරුවරුන් සහ සිසුන් සහ එක්සත් ජාතීන්ගේ සංගමයේ සාමාජිකයින් සහ ආරාධිතයින් සහභාගී වූහ.
Discussion about this post