Reported Journalist:Zamil Shafeek
මීගමුව බන්ධනාගාරය තුළ යළි ඇතිවූ නොසන්සුන් තත්ත්වය හේතුවෙන් තුවාල ලැබූ සංඛ්‍යාව තවදුරටත් ඉහළ ගොස් තිබේ.වාර්තා අනුව, නවතම සිදුවීමෙන් තුවාල ලැබූ සංඛ්‍යාව 20කට ආසන්න බව සඳහන් වේ.
තුවාල ලැබූවන් මේ වනවිට මීගමුව රෝහල වෙත ඇතුළත් කිරීමට පියවර ගනිමින් සිටින බවද වාර්තා වේ.තුවාල ලැබූවන් අතර බන්ධනාගාර නිලධාරීන්ද සිටින බව සඳහන්ය.මේ අතර තත්ත්වය පාලනය කිරීම සඳහා පොලීසිය විසින් වෙඩි ප්‍රහාර කිහිපයක්ද එල්ල කර තිබේ.
මීගමුව බන්ධනාගාරයේ උණුසුම් තත්ත්වය හේතුවෙන් මේ වනවිට 8 දෙනෙකු තුවාල ලබා රෝහල්ගත කර ඇති බවද වාර්තා වේ.මීගමුව බන්ධනාගාරය තුළ යළිත් නොසන්සුන් තත්ත්වයක් ඇතිවී තිබේ. ඊයේ ඇතිවූ තත්ත්වයෙන් පසු අද උදෑසන වනවිට බන්ධනාගාරයේ තත්ත්වය පාලනය කර තිබුණද, මේ වනවිට යළි නොසන්සුන් තත්ත්වයක් මතුව ඇති බව සඳහන්ය.
මීගමුව බන්ධනාගාරයේ රැඳවියන් දෙපිරිසක් අතර ඊයේ පස්වරු 1ට පමණ ගැටුමක් හටගෙන තිබුණි. රිමාන්ඩ් භාරයේ සිටින රැඳවියන් පිරිසක් සහ දඬුවම් ලබා බන්ධනාගාරගත කර සිටින රැඳවියන් පිරිසක් අතර මෙම ගැටුම සිදුව ඇති බව පොලීසිය පැවසීය.
Discussion about this post