Reported Journalist:Zamil Shafeek
ඉරාන යෝජනාවලියට අවසන් තීරණයක් ගැනීමට ඩොනල්ඩ් ට්‍රම්ප් ආරක්ෂක ප්‍රධානින්ගේ රැස්වීමක් කැඳවයිඉරානය සමඟ පවතින සටන් විරාමය දීර්ඝ කිරීම සඳහා එකඟතාවක් සම්බන්ධව අවසන් තීරණයක් ගැනීමට අමෙරිකානු ජනාධිපති ඩොනල්ඩ් ට්‍රම්ප් සිය ආරක්ෂක ප්‍රධානින් සහ ඉහළ මට්ටමේ නිලධාරින් සමඟ සාකච්ඡාවක් පවත්වා ඇතැයි විදෙස් මාධ්‍ය වාර්තා කරයි. එහෙත් එම රැස්වීම කිසිදු තීරණයකින් තොරව අවසන් වී ඇතැයි ද වාර්තා වේ.
ඉරානය කිසිදු අයුරකින් න්‍යෂ්ටික අවියක් හෝ න්‍යෂ්ටික බෝම්බයක් නිෂ්පාදනය නොකරන බවට එකඟ වූ බව එම සාකච්ඡාවට පෙර ටෘත් සමාජ මාධ්‍ය ජාලයේ ඔහු සටහන් කර තිබූ බවත්, හෝමූස් සමුද්‍ර සන්ධිය සීමා රහිත නෞකා ගමනාගමනයක් සඳහා නැවත විවෘත කළ යුතු බව යළි අවධාරණය කළ බවත් වාර්තා වේ. ඉරාන ආරක්ෂක හමුදාව හෝමූස් මුහුදු තීරයේ සවි කළ බව කියන මුහුදු බෝම්බ ඉවත් කිරීමට කටයුතු කළ යුතුව ඇතැයි ද අමෙරිකානු ජනාධිපතිවරයා ටෘත් සමාජ මාධ්‍ය ජාලයේ සටහන් කර ඇතැයි වාර්තා වේ.
කෙසේ වෙතත් අමෙරිකානු මාධ්‍ය සඳහන් කර ඇත්තේ ඉරානයට එරෙහි අමෙරිකානු සහ ඊශ්‍රායල යුද්ධය අවසන් කිරීමේ යෝජනාවලියේ කොන්දේසි කිහිපයක් සංශෝධනය කිරීමට ඩොනල්ඩ් ට්‍රම්ප් පියවර ගනිමින් සිටින බවය. ජනාධිපතිවරයාගේ සංශෝධන ඇතුළත් එම ගිවිසුමට ඉරාන පාර්ශ්වය එකඟවීම ගැටලු සහගත බව ද අමෙරිකානු මාධ්‍ය සඳහන් කර තිබේ. නව සංශෝධන සහිත යෝජනාවලිය ඉරානයේ අවධානය සඳහා නැවත යවා ඇති අතර, ඉරානය විසින් ගනු ලබන ඕනෑම තීරණයකට අමෙරිකාව සූදානමින් පසුවන බව ද වාර්තා වේ.
Discussion about this post