Reported Journalist:Zamil Shafeek
ශ්‍රී ලංකා පොදුජන පෙරමුණේ පළාත් පාලන කොට්ඨාස රැස්වීම් මාලාවේ කුරුණෑගල දිස්ත්‍රික්කයේ දඹදෙණිය සහ කුලියාපිටිය යන ආසනවල ජනහමු ඊයේ දින ශ්‍රී ලංකා පොදුජන පෙරමුණේ ජාතික සංවිධායක නාමල් රාජපක්ෂ මැතිතුමාගේ ප්‍රධානත්වයෙන් පැවැත්විණි.
දඹදෙණිය ආසන සංවිධායක හිටපු රාජ්‍ය අමාත්‍ය ශාන්ත බංඩාර මහතා, වඩුවාව කොට්ඨාස සංවිධායක අලව්ව ප්‍රාදේශීය සභා මන්ත්‍රී චමින්ද වර්ණසූරිය මහතා විසින් සහ කුලියාපිටිය ආසන සංවිධායක හිටපු පාර්ලිමේන්තු මන්ත්‍රී සමන්ප්‍රිය හේරත් මහතාගේ, නක්කවත්ත කොට්ඨාස සංවිධායක කුලියාපිටිය ප්‍රාදේශීය සභා මන්ත්‍රී සුදත් රෝහණ අබේකෝන් මහතා විසින් මෙම ජනහමු සංවිධානය කර තිබිණි.
එම අවස්ථාවන් සඳහා ශ්‍රී ලංකා පොදුජන පෙරමුණේ මෙහෙයුම් ප්‍රධානී කුරුණෑගල දිස්ත්‍රික් නායක හිටපු අමාත්‍ය ජොන්ස්ටන් ප්‍රනාන්දු, හිටපු පාර්ලිමේන්තු මන්ත්‍රී සුමිත් උඩුකුඹුර යන මහත්වරුන් සහ එම කොට්ඨාශවල පක්ෂ ක්‍රියාකාරීන් සහභාගී විය.
Discussion about this post