Reported by Fathima Zahra
ඉන්දුනීසියානු දූපතක් වන සුලවේසිහි වැඩිහිටි නිවාසයක ඇති වූ ගින්නකින් පුද්ගලයින් 16දෙනෙකු ජීවිතක්ෂයට පත්ව ඇත.තවත් පුද්ගලයින් 12දෙනෙකු පමණ තුවාල ලබා රෝහල් ගත කර ඇති බව වාර්තා වේ.ඊයේ (28) රාත්‍රී 8:31ට පමණ මෙම ගින්න හටගෙන තිබූ අතර එම අවස්ථාවේ වැඩිහිටියන් බොහෝ දෙනෙක් සිය කාමරවල විවේකීව සිට ඇති බව විදෙස් මාධ්‍ය වාර්තා කළේය.මියගිය බොහෝ දෙනෙකුගේ මළ සිරුරු ඔවුන්ගේ කාමර තුළ තිබී හමු වූ බව ද සඳහන් වේ. අග්නිදිග ආසියානු දූපත් 17,000කට වඩා වැඩි ප්‍රමාණයක් පිහිටා ඇති ඉන්දුනීසියාවේ මාරාන්තික ගිනි ගැනීමේ සිදුවීම් බහුල වශයෙන්ම වාර්තා වේ.මේ මාසයේ ඉන්දුනීසියාවේ අගනුවර වන ජකර්තාහි සත් මහල් කාර්යාල ගොඩනැගිල්ලක ඇති වූ ගින්නකින් ද අවම වශයෙන් පුද්ගලයින් 22ක් පමණ මිය ගොස් තිබුණි.
Discussion about this post