Reported Journalist:Zamil Shafeek
ජනතා විමුක්ති පෙරමුණ එදා අධ්‍යාපනයේ ධවල පත්‍රිකාවට විරුද්ධ නොවුනා නම් අද ලංකාව තිබෙන්නේ දකුණු කොරියාවටත් එහා තැනක බව කොළඹ දිස්ත්‍රික් මන්ත්‍රී මුජිබුර් රහුමාන් මහතා:-(ස.ජ.බ) පාර්ලිමේන්තුවේදී පැවසීය.
“අපේ රටේ අධ්‍යාපනය සම්බන්ධ නෛතික රාමුවේ තිබෙන්නේ වසර අටෙන් අටට විෂයමාලා ප්‍රතිසංස්කරණ කිරීමයි.අවසන් වරට 2023 වසරේ කරන්නට තිබූ විෂය මාලා ප්‍රතිසංස්කරණය රටේ තිබූ තත්ත්වය සමග සිදු වුණේ නැහැ.අලුත් තාක්ෂණය සමඟ දැනුම මත පදනම් වූ අධ්‍යාපනයක් තිබිය යුතු බව සමගි ජන බලවේගයේද මතයයි.අප කිසිවකුත් අධ්‍යාපන ප්‍රතිසංස්කරණ වලට විරුද්ධ නැහැ.ඒ නිසා ආණ්ඩුවේ සිට විපක්ෂයට චෝදනා කිරීම කිසිම වැදගත්කමක් නැති දෙයක්.
80 අවුරුද්දේ ධවල පත්‍රිකාව ගේනකොට විරුද්ධ වුනේ කවුද?දකුණු කොරියාව අධ්‍යාපන ප්‍රතිසංස්කරණ කළේ ඊටත් පස්සේ.අපට එදා ඒ ප්‍රතිසංස්කරණ කරන්නට දුන්නා නම් දකුණු කොරියාවටත් වඩා ඉදිරියෙන් අප ඉන්නවා.ඒ ප්‍රතිසංස්කරණ කරන්නට ඉඩ නොදුන් අය අද බලයට ඇවිත් ඉන්නවා යනුවෙන්ද මන්ත්‍රීවරයා කීය.
Discussion about this post