Reported Journalist:Zamil Shafeek
හිටපු ජනාධිපති රනිල් වික්‍රමසිංහ සහ හිටපු ජනාධිපති ලේකම් සමන් ඒකනායක යන මහත්වරුන්ට එරෙහිව ගොනු කර ඇති නඩුව අද (30) කොළඹ කොටුව මහෙස්ත්‍රාත් අධිකරණය හමුවේ කැඳවීමට නියමිතය.
රාජ්‍ය දේපළවලට එරෙහි වැරදි පිළිබඳ පනත යටතේ ගොනු කර ඇති මෙම නඩුව රාජ්‍ය අරමුදල් අනිසි ලෙස භාවිත කිරීම හෝ පරිහරණය කිරීම සම්බන්ධ චෝදනා මත පදනම් වී තිබේ.
අදාළ සිද්ධිය සම්බන්ධ විමර්ශන අවසන් කර ඇති බව අපරාධ පරීක්ෂණ දෙපාර්තමේන්තුව (CID) මීට පෙර අධිකරණයට දැනුම් දී ඇති අතර, නීති උපදෙස් සඳහා විමර්ශන වාර්තා නීතිපතිවරයා වෙත යොමු කර ඇති බවද සඳහන් කර තිබේ.
ඒ අනුව නීතිපතිවරයාගේ ස්ථාවරය සහ ඉදිරි උපදෙස් සම්බන්ධයෙන් කරුණු විමසීම සඳහා නඩුව අද කැඳවීමට කොළඹ කොටුව මහෙස්ත්‍රාත් පාසන් අමරසේන මහතා නියෝග කර ඇත.
Discussion about this post