Reported Journalist:Zamil Shafeek
හිටපු ජනාධිපති මහින්ද රාජපක්ෂ මහතාගේ බිරිය ශිරන්ති රාජපක්ෂ මහත්මිය ඊයේ (16) අලුයම සිංගප්පූරුව බලා පිටත්ව ගොස් තිබේ.
ඇය රෝහිත රාජපක්ෂ මහතාගේ නැන්දම්මා වන ඈන් ද ලිවේරා මහත්මිය සමඟ සිංගප්පූරු ගුවන් සේවයට අයත් එස්.කිව්. 469 දරන ගුවන් යානයෙන් අලුයම 1.10ට කටුනායක ගුවන්තොටුපොළෙන් පිටත්ව ගොස් ඇත.
වෛද්‍ය ප්‍රතිකාර සඳහා පෙරේදා (15) පෞද්ගලික රෝහලකට ඇතුළත් වූ ශිරන්ති රාජපක්ෂ මහත්මිය වැඩිදුර ප්‍රතිකාර සඳහා සිංගප්පූරුවට ගොස් ඇති බව ආරංචිමාර්ග සඳහන් කරයි. ඇය ගුවන්තොටුපොළට පැමිණ ඇත්තේ රෝහලේ සිට බවද වාර්තා වේ.
දින කිහිපයකින් පසු ඇය යළි මෙරටට පැමිණීමට නියමිත බවද සඳහන් වේ.
මේ අතර, ‘සිරිලිය සවිය’ සම්බන්ධයෙන් සිදුව ඇතැයි කියන අක්‍රමිකතා පිළිබඳ ප්‍රශ්න කිරීම සඳහා ලබන 24 වැනිදා අපරාධ පරීක්ෂණ දෙපාර්තමේන්තුවේ මූල්‍ය අපරාධ විමර්ශන කොට්ඨාසය හමුවේ පෙනී සිටින ලෙස ශිරන්ති රාජපක්ෂ මහත්මියට දැනුම් දී තිබුණේ ඇය රටින් පිටවීමට පෙරය.
Discussion about this post