Reported Journalist:Zamil Shafeek
මොනරාගල, හම්බෙගමුව, ගොමගල පාර කෙළවර මවුආරඇළ ඉවුර ආසන්නයේ සිදුකළ විශේෂ වැටලීමකදී ප්‍රවාහනයට සූදානම් කර තිබූ ගංජා තොගයක් සමඟ සැකකරුවෙකු අත්අඩංගුවට ගෙන තිබේ.
පොලිසිය සඳහන් කළේ එහි තිබී ගංජා කිලෝග්‍රෑම් 1,044යි ග්‍රෑම් 180ක් සොයාගත් බවයි.එම ගංජා තොගයේ වටිනාකම රුපියල් හත්කෝටි තිස්හත් ලක්ෂ අසූදහසක් පමණ වන බව පොලිසිය පවසයි.
මේ අතර, එම ප්‍රදේශයේ අක්කර එකහමාරක පමණ භූමි ප්‍රමාණයක වගා කර තිබූ ගංජා හේනක්ද වැටලීමට පොලිසිය කටයුතු කර ඇති අතර, එහි තිබූ ගංජා ගස් 54,096ක් සමඟ තවත් සැකකරුවෙකු අත්අඩංගුවට ගෙන තිබේ.
වලාන දූෂණ මර්දන ප්‍රහාරක බලකායේ අධ්‍යක්ෂ සහකාර පොලිස් අධිකාරී රොහාන් ඕලුගල මහතාගේ උපදෙස් හා නියෝග මත, එහි ස්ථානාධිපතිවරයාගේ මෙහෙයවීමෙන් මෙම වැටලීම් සිදුකර ඇත.
Discussion about this post