Reported Journalist:Zamil Shafeek
බටහිර ඉන්දීය කොදෙව් සහ එංගලන්තය සමඟ පැවැත්වීමට නියමිත ටෙස්ට් තරගාවලි සඳහා පාකිස්තාන ක්‍රිකට් කණ්ඩායමේ සංචිතය ප්‍රකාශයට පත් කර ඇති අතර, එහි නායකත්වය සඳහා බාබර් අසාම් යළි පත් කර තිබේ.
හිටපු නායක ෂාන් මසූඩ් වෙනුවට නායකත්වය භාරගන්නා බාබර් අසාම්, ජූලි 25 සිට බටහිර ඉන්දීය කොදෙව්හි පැවැත්වෙන ටෙස්ට් තරග දෙක සහ අගෝස්තු 19 සිට එංගලන්තයේ පැවැත්වෙන ටෙස්ට් තරග තුනට කණ්ඩායම මෙහෙයවනු ඇත.
මෙවර සංචිතයට නවක ක්‍රීඩකයින් සිව්දෙනෙකු කැඳවා ඇති අතර, වමත් දඟ පන්දු යවන අලි උස්මාන්, පිතිකරු මුහම්මද් අවායිස් සෆාර්, වේගපන්දු යවන උබයිඩ් ෂා සහ කඩුලු රකින පිතිකරු මුහම්මද් ගාසි ගෝරිට ටෙස්ට් වරම් හිමිවීමේ අවස්ථාව උදා වී තිබේ.මේ අතර, සවුද් ෂකීල් එංගලන්ත තරගාවලිය සඳහා සංචිතයට ඇතුළත් කර තිබුණද, ඔහුගේ සහභාගිත්වය යෝග්‍යතා පරීක්ෂණයක ප්‍රතිඵල මත තීරණය වනු ඇත.
වර්තමානයේ පාකිස්තානය ICC ලෝක ටෙස්ට් ශූරතාවලියේ ශ්‍රේණිගත කිරීම්වල නවවන ස්ථානයේ පසුවෙයි.
Discussion about this post