reported by Fathima Zahra
යුක්‍රේනයේ නැගෙනහිර ප්‍රදේශයට එල්ල වූ රුසියානු ඩ්‍රෝන ප්‍රහාරයකින් පතල් කම්කරුවන් 12 දෙනෙකු ජීවිතක්ෂයට පත්ව ඇති බව විදෙස් මාධ්‍ය වාර්තා කර තිබේ.විදෙස් මාධ්‍ය වාර්තා කර ඇත්තේ යුක්‍රේනයේ ඩිනිප්‍රොපෙට්‍රොව්ස්ක් කලාපයේ පතල් කම්කරුවන් රැගත් බස් රථයකට මෙම ප්‍රහාරය එල්ල වී ඇති බවය.එම සේවකයින් සිය සේවා මුරය නිමකර ආපසු යමින් සිටියදී මෙම ප්‍රහාරයට ගොදුරුව ඇත.විදෙස් මාධ්‍ය වාර්තා කර ඇත්තේ ප්‍රහාරයෙන් තවත් පුද්ගලයින් 15 දෙනෙකුද තුවාල ලබා රෝහල් ගත කර ඇති බවය.රුසියාවෙන් යුක්‍රේනයට මෙම ඩ්‍රෝන ප්‍රහාරය එල්ල වී ඇත්තේ දෙරට අතර එක්සත් ජනපදයේ මැදිහත් වීමෙන් පැවැත්වෙන ත්‍රෛපාර්ශ්වික සාකච්ඡාවල දෙවන වටය එළැඹෙන සතියේ පැවැත්වෙන බවට යුක්‍රේන ජනාධිපති වොලොඩිමියර් සෙලෙන්ස්කි නිවේදනය කිරීමෙන් පැය කිහිපයකට පසුව වීමද විශේෂත්වයකි.එමෙන්ම ඊයේ දිනයේදී රුසියාව විසින් එල්ල කළ ප්‍රහාරයෙන් යුක්‍රේනයේ ගිනිකොනදිග සපොරිෂියා නගරයේ මාතෘ රෝහලක් සහ නේවාසික ගොඩනැගිල්ලක සිටි 9 දෙනෙකුද තුවාල ලබා තිබුණි.
Discussion about this post