Reported Journalist:Zamil Shafeek
ඔක්තෝබර් 05 වැනිදාට යෙදී ඇති ලෝක ජනාවාස දිනයට සමගාමීව ඔක්තෝබර් 02 වැනිදා සිට දිවයින පුරා වැඩසටහන් රැසක් ක්‍රියාත්මක කිරීමට නිවාස, ඉදිකිරීම් සහ ජලසම්පාදන අමාත්‍යාංශය සැලසුම් කර තිබේ.
එහි සමාප්ති උළෙල ඔක්තෝබර් 05 වැනිදා පෙරවරු 10.00ට අග්‍රාමාත්‍ය ආචාර්ය හරිනි අමරසූරිය මහත්මියගේ ප්‍රධානත්වයෙන් අරලියගහ මන්දිරයේදී පැවැත්වීමට නියමිතය.
මේ සම්බන්ධයෙන් දැනුවත් කිරීමේ සාකච්ඡාවක් ඊයේ (23) නිවාස, ඉදිකිරීම් සහ ජලසම්පාදන අමාත්‍ය වෛද්‍ය සුසිල් රණසිංහ මහතාගේ ප්‍රධානත්වයෙන් පාර්ලිමේන්තු පරිශ්‍රයේදී පැවැත්විණි.
එහිදී ජාතික නිවාස වැඩසටහන යටතේ ක්‍රියාත්මක “තමන්ගේම තැනක් – ලස්සන ජීවිතයක්” නිවාස ආධාර වැඩසටහනේ ප්‍රගතිය පිළිබඳවද සාකච්ඡා කර තිබේ.
ලබන වසරේදී මෙම වසරට සාපේක්ෂව වැඩි නිවාස සංඛ්‍යාවක් ඉදිකිරීමට යෝජනා කර ඇති බැවින්, ඒ සම්බන්ධ ගැටලු සහ යෝජනා පිළිබඳවද මෙහිදී අවධානය යොමු කර ඇත
Discussion about this post